Archive

Archive for the ‘09. Huria’ Category

BE-656, PARHAHAMARANGGION

February 6, 2011 2 comments

BE-656, PARHAHAMARANGGION

Ayat 1
Parhahamaranggion I, lam hot jala togu,
Singhop ma hasadaon I, di Jesus I burju,
Rap sauduran hita be marholong na tutu,
Mardame, marlas roha ma di Jesus I tutu.

Ayat 2
Togu ma hasadaon I; di ojahanna I,
Sada haporseaon I, di Tuhan Jesus i.
Ai sada pandidion I, ai sada Ama I,
Sada ma hita Kristen I manomba Tuhan i.

Ayat 3
Ai disagihon do ganup asi-asiNa I,
Asa ringgas huhut burju, di ulaonna I,
Sai lam serep ma rohamu hombar tu Hata I,
Parholong roha ma hamu maniru Tuhan i.

Reff:

BE-658, TU PORTIBION NA RUNDUT

February 6, 2011 Leave a comment

BE-658
TU PORTIBION NA RUNDUT

Ayat 1
Tu portibion na rundut borhat ma ho,
Galak bahen palitomu sai dungo ho.
Boan sondang tu na holom mangurupi namardangol I
do baritana ulu ni Kristus i.

Ayat 2
Hata I baen sitiopan di dalanmi,
Kristus I baen panungkunan di ngolumi.
Sai radoti hatigoran holong dohot hasintongan,
Sadasada Debatanta haposi ma.

BE-657, ULI NA I HURIAMI

February 6, 2011 Leave a comment

BE-657
ULI NA I HURIAMI

Ayat 1
Uli na I HuriaMi na pinapungupunguMI
Marpungu do sudena I mamuji Ho Tuhan na sangap I,
Tangiang nang endena I na pasangaphon goarMi,
Sai topot ma HuriaMi na pinapungupunguMi.
Tumpahi ma HuriaMi, tumpahi ma HuriaMi.

Ayat 2
Huria ni Tuhanta I, hinophop ni mudarNa I,
Pahot tongtong pingkiranmi,
Maniop Tuhanmi parholong i.
Sai unang olo talu ho, bahenon ni Sibolis I,
Sai pangidohon ma gogo tu Raja ni Huria i.
Tumpahi ma HuriaMi, Tumpahi ma HuriaMi.

BE-655, OJAHAN NI HURIA

February 6, 2011 Leave a comment

BE-655
OJAHAN NI HURIA

Ayat 1
Ojahan ni Huria sasada Jesus I,
Marhite pandidion rap dohot hata I,
Huria ni riritna baen oroanNa I,
PinarbadianNa marhite Mudar i.

Ayat 2
Sian saluhut bangso na diportibion,
Marhite haluaon sada Huria on,
Ai sada pandidion, sada haporseaon,
Sada nang panghirimon ni HuriaNa on.

Ayat 3
Di angka parungkilon nang paraloan I,
Tongtong marpanghirimon di dame na hot i.
Gok do hamuliaon di alatanNa I,
I do na tau teanon ni HuriaNa i.

Ayat 4
Tongtong marsada roha nang pe di tano on,
Huria na badia pinapasupasuMon.
Ulaon na badia patogu roha on,
Tuhan Sitolu sada pamonang hami on.

BE-654 MARPUNGU SUDE

February 6, 2011 2 comments

BE-654, MARPUNGU SUDE

Ayat 1
Marpungu sude mangido Tuhanta
asi ni rohaNa nang lomoNa I,
naeng pasohotanNa doparungkilonta
sai ramotanNa do HuriaNa i.

Ayat 2
Diparmudumudu Tuhanta do hita,
Sai di iringiring HuriaNa I,
panumpahionNa do pamonang hita.
Jahowa Debata nasun gogo i.

Ayat 3
Tapuji Tuhanta na pamonang hita,
Huhut tumangianghon Huria I,
Asa monang di sude parungkilonna,
Pasangap Tuhan I salelengna i.

Reff:

BE-653, JUBILEUM NI HURIA

February 6, 2011 Leave a comment

BE-653
JUBILEUM NI HURIA

Ayat 1
Natama do ingotonta taon parasi ni rohaan on
Jubileum parningotan, di hita sahuria on
*Nunga lima pulu
*(Nunga gok saratus)
*(Saratus lima pulu)
*(Nunga dua ratus)
*(Dua ratus lima pulu)
taon naung ojak Huria on.
Taon parolopolopn do on di nasa Huria on.

Ayat 2
Ta olophon denggan basa na ita jalo sian Debata,
Saluhut do disarihon, na ringkot dingolunta on,
Lam togu ma parsaoran dihita HuriaNa on,
Radot masitangiangan ma, marsiurupan hita on.

Ayat 3
Ruas angka na matua, baen tiruan hita on tongtong,
Maradophon anakhonta, tangkas ma ingot I tongtong,
Sundut na umposo I do na sumingkati hita on,
Togu-togu, tangiangkon ma, asa jonok tu Debata.

Ayat 4
Rade haporseaonta lao mangadopi hamajuon on.
Asa gabe pasupasu, panghorhon nii tu hita on,
Tung tangkas ma tapoda I, anakhon ni Huria I,
Asa jolma halomoan I di hita nang di Tuhan i.

BE-652, IHOT MA HAMI

February 6, 2011 Leave a comment

BE-652
IHOT MA HAMI

Ayat 1
Ihot ma hami sai ihot ma hami pasada hami o Tuhan.
Ihot ma hami pasada hami sai ihot do holongMi.
Sada do Debata, Raja na songkal I,
Sada do pamatangNa hita ruasNa i.

Ayat 2
Hita huria I, na pinillitNa I,
Paripe ni Tuhanta, ranting ni Anggur I
Ihot ma ………

Categories: 09. Huria Tags: , , ,
Follow

Get every new post delivered to your Inbox.

Join 28 other followers