Archive

Archive for the ‘33. Marparange di ngolu na imbaru’ Category

BE-481, GODANG DOPE SIGURUHONONMI, BL-325

February 4, 2011 Leave a comment

BE-481, GODANG DOPE SIGURUHONONMI, BL-325

Ayat 1
Godang dope siguruhononmi, Asa tu dos ho dohot Tuhanmi
Sai tong na hurang hatigoranmi. So tuk do pe haporseaonmi.
Dirim sambing dihaholongi ho. Donganmu laos dihalupahon.

Ayat 2
Tuhanta Jesus tiruanmu do. Na holong roha di au nang di ho ;
Ai diseahon do diriNa i, Singkatta lao tu hamatean i,
Ndang na dialang holong roha i, Ai naeng dihita hangoluan i.

Ayat 3
Tatiru holong ni rohaNa i, pinatuduhaon ni Tuhanta i,
Tahaholongi ma donganta i, ai ruas ni Tuhanta do nang i !
Mardame ma, marsijalangan ma; Tatuju ma solhot tu debata !

BE-480, SONGON SADA BATANG AEK, BL-409

February 4, 2011 Leave a comment

BE-480, SONGON SADA BATANG AEK, BL-409

Ayat 1
Songon sada batang aek do dameMi. Na tongtong ma baor do tu rohangki.
Lam bagas, lam gogo ariari i Nang borngin ndang olo marna montok i.
Dame ni Tuhanku hasonangan, ki, Nasa holso holso do diauphon i.

Ayat 2
Molo hasonanganMi manggohi au, Ingkon sorimago dohot bego lao.
Ndang be na tahutan, ndang tarsonggot au, Molo dameMi mangkaliangi au.
Dame ni…

Ayat 3
Sude mubauba au do ditano i. Sondang ni dameNa do so sundut i.
Sonang maradian disi rohangki, Tongtong pujionku habsaronMi.
Dame ni…

BE-479, JONOK LAM JONOK, BL-324

February 4, 2011 Leave a comment

BE-479, JONOK LAM JONOK, BL-324

Ayat 1
Jonok, lam jonok, togu au on; las manang arsak dalanmu tongon,
Asal di tanganMi au tongtong. Pangondianku, pangolu au on,
Pangondianku pangolu au on.

Ayat 2
Jonok tu Ho au taiti gogo; dao dope ahu, pasolhot tu Ho:
Susa do ahu dibaen dosangki, :,: Buri, o Jesus, ias rohangki :,:

Ayat 3
Jonok lam jonok, tostos sude, nasa na boi mangambat dope.
Hinasogohon ni rohaMi. :,: Lao Sian ahu, asi rohaMi :,:

Ayat 4
Lam tu ripasna tudos tu Ho, togu rohangku lam sahat tu Ho.
Ho disorminhon parulanki. :,: Sasada Ho ma hasiholanki :,:

BE-478, DOHOT SIHOLHU PAHERBANG, BL-408

February 4, 2011 Leave a comment

BE-478, DOHOT SIHOLHU PAHERBANG, BL-408

Ayat 1
Dohot siholhu paherbang tu Ho Jesus tanganki.
Lao mangelek Ho o Tuhan ro ma Ho tu rihangki.

Ayat 2
Rapar, o pabosur ahu, pogos, sai pamora au,
Loja di pardalananku Jesus, sai urupi au.

Ayat 3
Ndang adong tarboan ahu, tung rumar do tanganki.
Tu bagasMu ro langkangku, gohi, Jesus rohangki.

Ayat 4
Ho sambing na mpuna ahu ndang tarpunjung langkangki,
Ganup ari dongananmu au hombar tu hataMi.

Ayat 5
HamoraonMi, o Tuhan. Ragam ni siluaMi.
Lao phisar au, o Tuhan lehon ma tu tondingki.

BE-477, MANSAI LAN HABIARAN, BL-323

February 4, 2011 Leave a comment

BE-477, MANSAI LAN HABIARAN, BL-323

Ayat 1
Mansai lan habiaran , ninna, didalanta be.
Ndang diida, di dongani Tuhan Jesus au tahe.
Asa na manjangkon Jesus, na so tupa mago i.
Aut saada au mardalan, talu au satongkin i.

Ayat 2
Ia songgop haporsuhon, ninna, ndang tartahan i.
Na hugolom do hataNa, monang na porsea,
Nasa na manjangkon Jesus, na so tupa mago i.
Aut…

Ayat 3
Olo, da, tangkas huboto, hurang hot do rohangki,
Tung marhitehite Jesus sahat au tu surgo i.
Nasa na manjangkon Jesus, na so tupa mago i.
Aut…

BE-476, NDADA AU GURU DI AU, BL-322

February 4, 2011 1 comment

BE-476, NDADA AU GURU DI AU, BL-322

Ayat 1
Ndada au guru di au be, Jesus do nampuna au.
Las rohangku dung hubege, Jesus sipangol au.
Ndang be au guru di au. Jesus na humophop au,
Nampuna au. Tung saleleng au mangolu, Jesus do nampuan au.

Ayat 2
Ndang di au, Tuhan Jesus, daging dohot rohangki;
Saluhutna hupasahat tu Ho, Jesus Tuhanki.
Ndang be au…….

Ayat 3
Ulaonku nang artangku pangke ma baen sangapMi,
Diusehon Ho mudarmu tung tanda do holongMi.
Ndang be au…….

Ayat 4
Naung tarsurat do goarhu dibaen Ho tu tanganMi,
Laos hupuji ma goarMu salelenglelengna i.
Ndang be au…….

BE-475, HO TONGTONG IHUTHONONKU, BL-092

February 4, 2011 Leave a comment

BE-475, HO TONGTONG IHUTHONONKU, BL-092

Ayat 1
Ho tongtong ihuthononku Jesus, sipangolu au.
Tung na so tadingkononku Ho na paluahon au.
Sai marguru au tu Ho, sai marguru au tu Ho,
Ho tongtong ihuthononku Jesus, sipangolu au.

Ayat 2
Tung di dia jumpang ahu Tuhan ada songon Ho ?
Na manogunogu ahu tu na sonang songon Ho ?
:,: Sai Marguru au tu Ho :,: Ho tongtong ihuthononku,
Jesus, Sipangolu au

Ayat 3
Naong ditaon Ho hamatean lao humophop tondingki,
Asa masuk au manean tohap na sumurung i,
:,: Sai marguru au tu Ho :,: Ho tongotong ihuthononku,
Jesus, Sipangolu au.

Ayat 4
Sai girgir tu Siparmahan angka birubiru ro.
Jesus, gok di rohangku, sai ihuthononku Ho.
:,: Sai ihuthononku Ho :,: Jesus, gok di Ho rohangku,
Sai ihuthononku Ho.

Ayat 5
Jumpa masa sorimago tung pangapul Ho gogo.
Ia bogasMi huida, sai ihuthononku Ho.
:,: Sai ihuthononku Ho :,: Ia bogasMi huida,
Sai ihuthononku Ho

Ayat 6
Dokkon ahu suruanMu, ai hataM so magopo.
Dung i Ho huhut manogu donganki manopot Ho.
:,: Taiti ma sude tu Ho :,: Sai asi roham, sai togu,
Sahat ma sude tu Ho.

Follow

Get every new post delivered to your Inbox.

Join 31 other followers

%d bloggers like this: