Home > 05. Ende di taon na imbaru > BE-064, NAUNG MORU DO MUSE SATAON, BL-192

BE-064, NAUNG MORU DO MUSE SATAON, BL-192

January 25, 2011 Leave a comment Go to comments

BE-064, NAUNG MORU DO MUSE SATAON, BL-192

1.
Naung moru do muse sataon huhut lam suda bohalhi
beha do au na sai laon ture do pangalahongki
lam ganda haporseaonku nang holong ni rohangku pe
di Jesus dohot Debatangku nang di donganku sasude

2.
Aut alusanku Debatangku ra tung maila au disi
marningot salpu ni rohangku ro di sude ulaonki
Ai dosa do binaen ni tangan Gok dosa nang rohangku pe
Nang pat nang mata Nang pamangan Luhut marsala do hape

3.
Aut nunga mate au nuaning Di dia tondingki tahe ?
Di hasonangan do ulaning Rap dohot na badia i ?
Mamuji Debata do ahu Dibaen asi rohaNa i
Manang na hona uhum ahu Di api na so mintop i ?

4.
Ndang dapot bilanganku dosa Naung huulahon nasailaon
Huhut ndang harajuman basa ni Tuhan Jesus nasailaon
Ndang dibaloshon Ho, Tuhanku Tu au hombar tu dosangki
Sai dipalambas Ho rohaMu Marnida pangalahongki

5.
Dibahen i antong hupuji Denggan basaM sadari on
Ai pineakkon rujiruji I do na dapot sai tongtong
O Jesus na marholong roha Ingkon hupuji goarMi
Dibaen saluhut denggan basa Tu ahu pinasahatMi

6.
Antong asi rohaM dongani Ma au tongtong tu jolo on
Pasahat ma au musengani Tu surgo dung tos hosangkon
Na olo do au mangihuthon HataM asal mangolu au
Naeng las rohangku pararathon BaritaMi lam tu na dao.

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: