Archive

Archive for the ‘13. Haporseaon dohot ngolu naimbaru’ Category

BE-701, TU HO DO AU MARPADAN

February 8, 2011 3 comments

BE-701
TU HO DO AU MARPADAN

Ayat 1
Tu Ho do au marpadan O Jesus Tuhanki,
Asa burju haposan au di adopanMi,
Sai Ho ma mandongan ni au di ulaonki.
Ajari pargogoi ma hu di dalanki

Ayat 2
Baen ma pangkilalaan di au O Tuhanki,
Donok do Ho O Tuhan mandopang musungki.
Ragam do pangunjunan dihasiangan on,
Ho partanobatoan di paraloankon.

Ayat 3
PadanMu ale Jesus tu angka ruasMi,
Luhut do toguonMu tu hasangaponMi,
Padanku pe O Jesus satia au tu Ho,
Sai pargogoi ma au, lao mangihuthon Ho.

BE-700, TOGU AU O TUHAN

February 8, 2011 Leave a comment

BE-700
TOGU AU O TUHAN

Ayat 1
Togu au O Tuhan, Ho huihuthon,
Rohangkon nuaeng hot tu Ho.
Ro pe habahaba, tahop parungkilon
Au tongtong marhaposan tu Ho.
Ho do nampuna au, Ho ma tongtong di au
Ho nampuna Huria I, nang pe ro galumbang
Manondong solungki, Ho Tuhan tongtong ihutanki.

BE-699, SINGKOP DO ASI NI ROHAM

February 8, 2011 Leave a comment

BE-699
SINGKOP DO ASI NI ROHAM

Ayat 1
Singkop so asi ni rohaM tu au na dangol on,
Na lilu ahu nahinan nuaeng jumpang do.

Ayat 2
Di na hutanda dosangki, gok biar rohangki,
Alai alani asiMi, mardame rohangki.

Ayat 3
Didalanki na rahis I, gok mara ngolungki,
Ala pangurupionMi, malua tondingki.

Ayat 4
Hutiop bagabagaMi, dipardalananki,
Ho Tuhan lombulombungki, diparaloan i.

Ayat 5
Nang busuk pe pamatangki, diparbandaan I,
PaheheonMu sogot au, tu surgo bongot au.

BE-698, SAI IHUTHONONKU JESUS

February 8, 2011 Leave a comment

BE-698
SAI IHUTHONONKU JESUS

Ayat 1
Sai ihuthonongku Jesus,
sai ihuthonongku Jesus saleleng-lelengna i.
nang godang haporsuhon sai benget do au manaon,
sai ihuthononku Jesus saleleng-lelengna i.

BE-697, MOLO HO DO HUIHOTHON

February 8, 2011 2 comments

BE-697
MOLO HO DO HUIHOTHON

Ayat 1
Molo Ho do huihuthon dame sonang rohangki
Sai horas jala martua nasa hinophopMi.
Ho tongtong ihuthonongku, Jesus na palua au.
Ho sambing do oloanhu ala nii martua au.

Ayat 2
Na rade do au manaon, mangasahon padanMi,
Molo ho na manggogoihon talu haholomon i.
Ho tongtong ihuthonongku ………

Ayat 3
Hupelehon ma diringku mangihuthon lomoMi,
Ndada be na olo salpu na manggohi rohangki.
Ho tongtong ihuthonongku ………

Ayat 4
Marparange na badia ma au diadopanMi,
Sai patau ma au tiruan, songon pinangidoMi.
Ho tongtong ihuthonongku ………

BE-696, LAM HOLONG ROHANGKI

February 8, 2011 Leave a comment

BE-696
LAM HOLONG ROHANGKI

Ayat 1
Lam holong rohangki tu Tuhanki,
Ima tangiangki oloi ma I,
Lam holong rohangki tu Ho O Jesuski
Oloi ma I, O, Tuhanki.

Ayat 2
Roha portibion hian di au,
Nuaeng tu Tuhanki manghirim au,
Lam holong rohangki, sai I ma padanki
Oloi ma I Otuhanki.

Ayat 3
Dung jumpang ajalhi, boirhat ma ua
Sogot di surgo I sonang ma au,
Disi pujionki Ho salelengna I,
Oloi ma I, O Tuhanki.

BE-695, JESUS TUHANKU DI HO MA AU ON

February 8, 2011 Leave a comment

BE-695
JESUS TUHANKU DI HO MA AU ON

Ayat 1
Jesus Tuhanku di Ho ma au on,
Asa mangihut tu Ho au tongtong
Gohi rohangku ingani au on.
Sonang si Ho tongtong,
O Tuhan togu ma au.
O Tuhan togu togu ma au,
Gohi rohangku ingani au on,
Sonang di Ho tongtong.

Ayat 2
Mansai godang do pardangolanki,
Tagan so Jesus dope tohaphi.
Disesa Jesus sude dosangki, gok dame rohangki,
Asi rohaNa di au Tongtong asi rohaNa di au.
Disesa Jesus sude dosangki, gok dame rohangki.

Ayat 3
Nang pe mangonggop sibolis di au,
Jala magigi musungki di au,
Ndada mabiar au pos rohangki Ho pangondianki,

Ayat Jesus pangondianki
Jesus Tuhan pangondianki,
Ndada mabiar au, pos rohangki, Ho pangondianki.

Ayat 4
Na marhaposan tu Jesus tahe sai na martua ibana muse,
Sonang ibana diportibion, nang di surgo inon,

Ayat Jolma na bonar burju
Jolma na bonar huhut burju,
Sonang ibana di portibion, nang di surgo inon.

BE-694, JESUS HO NAMPUNA AU

February 8, 2011 Leave a comment

BE-694
JESUS HO NAMPUNA AU

Ayat 1
Jesus Ho nampuna au dohot na adong di au,
Gogo dohot hosangki sahat ma tu tanganMi,
Sahat ma tu tanganMi

Ayat 2
Sai rajai ma matangki, manangkasi dalanMi,
Sai patiinggil pinggolhi, tumangihon hataMi,
Tumangihon hataMi

Ayat 3
Dohot tanganki tahe, naeng manjama na ture,
Dohot pat sai naeng tongtong, mandalani dalanMon,
Mandalani dalanMon.

Ayat 4
Hata nang soarangki, sai rajai ma dohot I,
Sai denggan huhut sintong, baenn hatangku sai tongtong
Baen hatangku sai tongtong.

Ayat 5
Sere, arta, hepeng pe, buat ma di Ho sude;
Tondi nang pamatangki, ingkon Ho oloan nii,
Ingkon Ho oloan nii.

Ayat 6
Pinangido ma tu Ho, rohangki pe dohot ho,
BahenonMu, Tuhanki, tong tu harajaonMi,
Tong tu harajaonMi.

Ayat 7
Na dihirim rohangki, dohot haholonganki,
Sai tu Ho ma sahat I, sai na sonang I disi,
Sai sonang I disi.

BE-693, JESUS DO TUHANKU

February 8, 2011 1 comment

BE-693, JESUS DO TUHANKU

Ayat 1
Jesus do Tuhanku Sihophop au on.
Ibana do haposanki tanganNa na gogo manogu au on,
Patogu au di langkangki
Tuhanku tongtong sumarihon au on
martua sonang tondingkon
holong ni rohaNa pahisar au on
mardame tongtong rohangkon mardame tongtong rohangkon.

Ayat 2
Jesus do Tuhan Siramoti au on
Na margogoihon diringkon,
Nang gok parungkilon, godang na tinaon,
, Sabam do dibaen rohangkon.
Tuhanku tongtong ………

Ayat 3
Ndang montok asi ni rohana di au,
Digohi TondiNa do au
Tama pujionku na marmudu au,
Tuhanku Sipalua au.
Tuhanku tongtong ………

Reff:

  • Syair: He hideth my soul

BE-692, HUPASAHAT TU TANGANMU

February 8, 2011 Leave a comment

BE-692
HUPASAHAT TU TANGANMU

Ayat 1
Hupasahat tu tanganMu ma tondingki,
Ndang olo sirang ahu sian Tuhanki.
Ho do pangkirimonku nang ngolungki,
Halasan ni rohangku O Tuhanki.

Ayat 2
Hupasahat tu tanganMu ma ngolungki,
Hosangku nang tondingku sai di Ho ma i.
Hatangku, pambaenanku, Parangengki,
Sai sahat tu tanganMu O Tuhanki.

Ayat 3
Hupasahat tu tanganMu ma diringki,
Manongtong ma rohangku hot dameMi.
Ndang lupa sian ahu panghophopMi,
Nang holong ni rohaMu O Tuhanki.

%d bloggers like this: