Archive

Archive for the ‘15. Mamelehon diri’ Category

BE-724, TUHAN BAEN MA NGOLUNGKON

February 8, 2011 1 comment

BE-724, TUHAN BAEN MA NGOLUNGKON

Ayat 1
Tuhan baen ma ngolungkon, parbadiai ma di Ho,
Pangke ma nang tingkingkon mamuji pasangap Ho,
Mamuji pasangap Ho.

Ayat 2
Tanganki di Ho ma I mangulahon holongMi,
Dohot pangalahoki sai hombar tu lomoMi,
Sai hombar tu lomoMi.

Ayat 3
Hata nang soarangki pasangaphon Ho ma I,
Dohot pambahenanki pararat baritaMi,
Pararat baritaMi.

Ayat 4
Arta hamoraonki, tau pasangap Ho ma I,
Roha nang ulaonki marbarita na uli,
Marbarita na uli.

Ayat 5
Saut ma lomo ni rohaM, lam nata di ngolungkon,
Tompa roha na ias, asa tau ma au joroM,
Asa tau ma au joroM.

Reff:

BE-724

BE-723, TU JOLOM O TUHAN

February 8, 2011 8 comments

BE-723, TU JOLOM O TUHAN

Ayat 1
Tu joloM O Tuhan sahat ma diringkon
Pangke ma au hombar tu lomoM,
Molo ndang Ho Tuhan, maringanan di au,
diringkon ndang mararga be i.
Tung pogos pe dison manang
Sonang tahe marsigantung tu Ho
Sasude holan Ho Huihuthon
Ndang be diringkon togutogu tu na ture.

Ayat 2
Tu joloM O Tuhan sai gara rohangkon,
Tung unduk do mangoloi Ho
TondiMi ma tongtong margogoihon au on,
Mangulahon lomo ni rohaM.
Tung pogos ……

Ayat 3
Tu joloM O Tuhan tung marpadan do au
Ingkon Ho huihuthon tongtong
Ai huboto tangkas na martua do au,
Nang muse dohot dingolungkon.
Tung pogos ……

Reff:

  • Syair & Lagu: Pdt. Dr. J. Pardede.

BE-723

BE-722, TU JOLOMI TUHANKU

February 8, 2011 3 comments

BE-722
TU JOLOMI TUHANKU

Ayat 1
Tu joloMi Tuhanku huboan diringkon
Palua ma tondingku, sian saluhut dosangkon
Jesus Ho do Tuhanku Jesus Ho do Rajangku,
Tu tanganMu ma O Tuhan hupasahat daging tondingkon.

Ayat 2
Tu jolo ni Tuhangku marsinggang au hohom,
Tangihon tangiangku, asi ma rohaM di au on,
Jesus do na umboto saluhut na rumingkot.
DameMi na manongtong, lehon ma tu au on naposoM.

BE-721, O DEBATA URASI

February 8, 2011 Leave a comment

BE-721
O DEBATA URASI

Ayat 1
O Debata urasi tondingki
sulingkit roha nang pingkiranki,
Molo adong na jat di rohangki
palua au sian pangago i.

Ayat 2
O Debata sesai ma dosangki,
Patau ma hu pangoloi di Ho
Suru TondiM, mian dirohangki,
Asa tongtong au on pasangap Ho.

Ayat 3
Debatangki sai pargogoi au on,
Mangaradoti haholongon I,
Rajai ma au, Gok diHo ma au on,
Hombar tu HataMi ma ngolungki.

Ayat 4
Debatangki pahehe ma au on,
Baen pasupasu au tu donganki,
Loas HataM lopok tu rohangkon,
Asa lam tang haporseaonki.

BE-720, NAENG MARSINONDANG NGOLUNGKU.

February 8, 2011 1 comment

BE-720, NAENG MARSINONDANG NGOLUNGKU

Ayat 1
Naeng marsinondang ngolungku di igil Jesus I,
Manang didia pe ahu tongtong huingot i.
Tiur marsinondang ido ni igil ni Jesus tongtong
Marsinondang panondang do au tutu.

Ayat 2
Ingkon hobas mangurupi, angka na gale I,
Jala burju manghobasi songon Tuhanta i.
Tiur marsinondang ………

Ayat 3
Tuhan urupi ma ahu, sai jaga rohangki,
Sai marsinondang ahu, Ho naeng tiruonki.
Tiur marsinondang ………

Ayat 4
Naeng oloanku Tuhanku, saleleng ngolungki,
Sogot di surgo I, endengku pasangap Tuhan i.
Tiur marsinondang ………

Reff:

BE-720

BE-719, HUBEGE SOARAM O JESUS

February 8, 2011 Leave a comment

BE-719
HUBEGE SOARAM O JESUS

Ayat 1
Hubege soaraM, O Jesus hubege soaraM O Jesus
Hubege soaraM O Jesus na manjouhon “ihuthon ma au”
Togu au Jesus Tuhanku iringiring ma langkangku
Patuduhon ma dalanMu asa unang unang lilu au.

Ayat 2
Hupasahat ma diringku, hupasahat ma diringku,
Hupasahat ma diringku mangihuthon Jesus Tuhanki.
Togu au ………

Ayat 3
Pargogoi ma au Tuhanku, pargogoi ma au Tuhanku,
Pargogoi ma au Tuhanku lao mamorsan silang na tu au.
Togu au ………

BE-718, HUBEGE JESUS MANJOU

February 8, 2011 1 comment

BE-718
HUBEGE JESUS MANJOU

Ayat 1
Hubege Jesus manjou
hubege Jesus manjou
Sipalua au manjou
porsan silang ihuthon ma Au.
Sai ihuthononku Jesus
Sai ihuthononku Jesus
Sai ihuthononku Jesus
Huihuthon Jesus Tuhanki.

Ayat 2
Tu Getsemane au dohot,
tu Getsemane au dohot,
Rap marungkil dohot Jesus,
mangihuthon Jesus Tuhanki.
Sai ihuthononku ………

Ayat 3
Aloonku ma diringku,
aloonku ma diringku,
Porsanonku ma silangku,
mangihuthon Jesus Tuhanki.
Sai ihuthononku ………

Ayat 4
LehononNa hagogoon
lehononNa hagogoon.
Dohot tumpal hangoluan,
dibanua ginjang na sonang.
Sai ihuthononku ………

%d bloggers like this: