Archive

Archive for the ‘19. Keluarga dohot pangkobasion kategorial’ Category

BE-804, RIPE NAMARLAS NI ROHA

February 9, 2011 Leave a comment

BE-804
RIPE NAMARLAS NI ROHA

Ayat 1
Ripe na marlas ni roha di bagasan Tuhan I,
Holong na masihaposan I do siradotanki,
Rut, Debora nang Maria I do sitiruonki
Gok pe mara siboluson sai na hot do padanki.

Ayat 2
Dang humordit be tondingku ala parungkilon I,
Hata ni Tuhanta Jesus patiurhon tondingki,
Tapamanat humaliang tung torop na susa I,
Tapagalak palitonta patiurhon dongan i.

Ayat 3
I tabaen ma las ni roha tu angka na marsak I,
Pargogoi angka na loja taradoti angka I,
Rap ma hita paradehon sundut na umposo I,
Asa di bagasan holong nang ngoluna bolus i.

BE-803, PELEHON HAPISTARAN

February 9, 2011 Leave a comment

BE-803
PELEHON HAPISTARAN

Ayat 1
Pelehon hapistaranmi tu Debata I,
Sinamot hahipasonmi daging nang tondimi,
Sai pangke ma luhutna I pasangap Tuhan I,
Sian na saroha gogomi oloi Tuhan i.

Ayat 2
Sai naeng pasangaponku Ho saleleng ngolungki,
Tongtong haholonganku Ho sian nasa rohangki,
Nang pe poso pamatangkon sai oloanku,
Nang ro di tos pe hosangkon sai pujionku Ho.

Ayat 3
Manang di dia au tahe, sai diramoti Ho,
Andigan sadihari pe, sai diparmudu Ho,
Pelehononku ma tu Ho sude na di au,
Arta daging nang tondingkon tongtong pasangap Ho.

BE-802, PANGKE TINGKIM SAONARI

February 9, 2011 1 comment

BE-802
PANGKE TINGKIM SAONARI

Ayat 1
Pangke tingkim saonari, dapothon ma Tuhan I,
Unang godang sidalian, ingot jempek ngolumi.
Nunga rade hasonangan, di surgo I, di surgo I,
Unang adong nanggo sada Naso parjambar disi.

Ayat 2
Suan ma holong ni roha, tiru ma Tuhanta I,
Las ma roham digotilon, jalo ma balos ni i.
Nunga rade ………

Ayat 3
Molo taida donganta, na sai marungkil tongtong,
Unang pasombu sai suda, togu urupi antong.
Nunga rade ………

BE-801, O DAKDANAK SOMBA DEBATANTA

February 9, 2011 Leave a comment

BE-801
O DAKDANAK, SOMBA DEBATANTA

Ayat 1
O dakdanak, somba Debatanta puji ma Debata,
O dakdanak, somba Debatanta sun sangap Debata.

Ayat 2
O dakdanak endehon goarNa sun sangap Debata,
O dakdanak endehon goarNa sun sangap Debata.

Ayat 3
O dakdanak tangihon hataNa sun sangap Debata,
O dakdanak tangihon hataNa sun sangap Debata.

Ayat 4
O dakdanak burju marsiajar puji ma Debata,
O dakdanak burju marsiajar puji ma Debata.

Ayat 5
O dakdanak ula-ulaonmu puji ma Debata,
O dakdanak ula-ulaonmu puji ma Debata.

Ayat 6
O dakdanak parhaseang tingki puji ma Debata,
O dakdanak parhaseang tingki puji ma Debata.

BE-800, PABOA TU DAKDANAK I

February 9, 2011 Leave a comment

BE-800
PABOA TU DAKDANAK I

Ayat 1
Paboa tu dakdanak I, binaen ni Tuhan I,
UlaonNa gok huaso I, pinatupaNa i.

Ayat 2
Saibaen las rohaNa I, umboto sasude,
Ulaon nang huasoNa I, dohot asiNa pe.

Ayat 3
Bibirta paboahon, tu anakonta I,
Asa patolhasonna I, tu pinoparna i.

Ayat 4
Sai tapodahon ma, burju hataNa na tutu,
Sai pos rohana situtu, biar huhut burju.

Ayat 5
Sai diguruhon ma tongtong, di Debata sambing,
Ojahan ni haporseaon, nang pangkirimon i.

Ayat 6
Unang dihagangguhon be, holong ni Tuhan I
Marpangalaho ma sude, hombar tu patik i.

BE-799, MARS NHKBP

February 9, 2011 Leave a comment

BE-799
MARS NHKBP

Ayat 1
Udur ma hita sasude Naposobulung Kristen Batak,
Sai unang marnalemba be, tung unang tinggal nang sahalak,
Tuhan Jesus do Partogi dipatiur do dalan I,
Sai tongtong ho diramoti unang ganggu rohami.

Ayat 2
Arahon hahaanggimi mananda silang ni Tuhanta,
Sai pangke gogomi sude, manuhuk silang ganup ari,
Sai tajalo hagogoon na so hasuhatan I
Asa saut ma jaloonta hasonangan surgo i.

Ayat 3
Sai pasu-pasu O Tuhan Naposobulung Kristen Batak
Patau ma hami sasude, aprtohap di harajaonMu
Sai ajari sai torang I pargogoi ma hami be
Asa rap marhasonangan salelenglelengna i.

BE-798, NATORAS BEGE HATA ON

February 9, 2011 Leave a comment

BE-798
NATORAS BEGE HATA ON

Ayat 1
Natoras bege hata on Jesus mandok tu hita on;
Unang orai na metmet I, paloas ro tu jolongKi.

Ayat 2
Oloi Tuhanmu Jesus I, tibu podai anakkonmi,
Sosoi tu parguruan I, mamuji Sipalua i.

Ayat 3
Boan tu Kristus anakmi, molo tutu holong roham
Ai dipanjagonNa I, horas sude keluargam.

BE-797, JESUS PARMAHAN I

February 9, 2011 Leave a comment

BE-797
JESUS PARMAHAN I

Ayat 1
Jesus parmahan I togu naposo I di na maol I,
Ro au tu joloMi raphon dakdanak I,
Mamuji goarMi parmonang i.

Ayat 2
O na badia I, Tuhan na serep I, pardame I
Na gabe pangoloi manobus jolma I
Sian dosana I na jorbut i.

Ayat 3
Malim na bolon I parade pesta I na sonang I
Di dangol nami I, soara nami i.
Dibege Ho do I, O Tuhanki.

Ayat 4
Kristus partogi I haposan nami I, pargogo I
Marhite hataMi togu ma sasude
Mamolus dalanMi mangago be.

Ayat 5
Suanhon ma tongtong tu roha nami be, pujianMi
Pahinsa ma tongtong dakdanak nami be
Na di huriaMi, mamuji Ho.

BE-796b, ASI NI ROHAM DO

February 9, 2011 Leave a comment

BE-796b
ASI NI ROHAM DO

Ayat 1
Asi ni rohaM do na mangompa au
Sahat di surgo asianMu au.

Ayat 2
Ro di na ubanon sian posogki
Ho do mandongani au pinillitMi.

Ayat 3
Sai pasautonMu baga-bagaMi
Abing-abingonMu au na loja i.

Ayat 4
Ho do Sipalua na mangompa I
Ndang he tarhirim partangiang i.

Ayat 5
Lan do naung jumolo niasianMi.
Hot do asi roha sijaolonki.

Ayat 6
Ndang porlu holsoan au dingolungki
Sasude boi tupa di dok hataMi.

Ayat 7
Songon na sai lan dipangompaMi
Tuk hagoonMu patupahon i.

BE-796a, ASI NI ROHANA

February 9, 2011 Leave a comment

BE-796a
ASI NI ROHANA

Ayat 1
Asi ni rohaNa do mangusung ho,
Ro di salelengna asianNa ho.

Ayat 2
Sai pasautonNa na nidokNa I,
Sai pasonangonNa ho na loja i.

Ayat 3
Debata Jahowa na mangusung ho,
I do na mangompa asa sonang ho.

Ayat 4
Songon na sai laon pangusungNa I,
Tong to tuk gogoNa patupahon i.

%d bloggers like this: