Archive

Archive for the ‘20. Tabe dohot parsirangan dohot borhat-borhat’ Category

BE-815, ULI DO TINGKI NA HOHOM

February 10, 2011 1 comment

BE-815
ULI DO TINGKI NA HOHOM

Ayat 1
Uli do tingki na hohom di joloni habangsa ni,
Amanghu na rade tongtong manjalo pangidoanhi
Ai di na marsak rohangki sai diapuli tondingki
Malua sian jorgong I ditingki martangiang i.

Ayat 2
Uli do tingki na hohom, sonang martua rohangkon,
Tongtong masihol rohangkon, lao martangiang na hohom.
Au raphon na badia I, sai naeng marnida bohiMi
Tuhanku Sipartobus I, ditingki martangiang i.

Ayat 3
Uli do tingki na hohom, pasahat pangidoanki
Tu Debata na bonar I, Sitangihon tangiang i.
Di na huida bohiMi porsea au dihataMi,
Tompas holso ni rohangki, ditingki martangiang i.

BE-814, SAI AJARI AU TUHANKU

February 10, 2011 1 comment

BE-814
SAI AJARI AU TUHANKU

Ayat 1
Sai ajari au Tuhanku di na martangiang au,
Patuduhon tu rohangku sangkap ni rohaM di au,
Songon na binaen ni Jesus na manaon humophop au,
Unang lomo ni rohangku, lomo ni rohaM ma saut.

Ayat 2
Nasa na mauliutus, dipatupa Ho di au,
Panolopi do tondingku, disangkapMu na tu au.
Mangauhon pamabaenanMu, di na marsitaonon au
Unang lomo ni rohangku, lomo ni rohaM ma saut.

Ayat 3
Dibagasan Ho Tuhanku, boi marlas ni roha au
Ho sambing haporusanku, Ho ma paluahon au
Pargogoi ma au Tuhanku, ai mansai gale do au
Unang lomo ni rohangku, lomo ni rohaM ma saut.

BE-813, PANGIDO HAMU MA

February 10, 2011 Leave a comment

BE-813
PANGIDO HAMU MA

Ayat 1
Pangido hamu ma, sai na lehononNa do tu hamu,
Lului hamu ma, sai na jumpangan do hamu,
Sai tuktuhi hamu ma, sai na ungkaponNa do di hamu,
Angka pangidoanmuna disarihon Debatamu.

Ayat 2
Ula ma jumolo pangidoan nang pangondian I,
Unang ma mansadi martangiang ho tu Tuhan I,
Ai margogo situtu do, tangiang ni angka partigor I,
Molo sai dihaburjuhon partangiangonna i.

BE-812, O TONDINGKU BETA MA

February 10, 2011 Leave a comment

BE-812
O TONDINGKU BETA MA

Ayat 1
O tondingku beta ma unang ma sumurt ho,
Ditonahon Jesus do asa martangiang ho.

Ayat 2
Ro ma ho tu Raja I, na sun hinagogo I,
Nasa pinangidomi, sai na lehononNa i.

Ayat 3
Tung godang do dosangki, na pasorat tondingki,
MudarMi, O Tuhanki, tuk manesa dosangki.

Ayat 4
Lehon tu au dameMi, ho manggomgom rohangki,
Ho Sitobus tondingki, Tuhan Ho oloanki.

Ayat 5
Sai tongtong ma holongMi, patoguhon langkangki,
Ho partogi donganki sahat tu ujungna i.

Ayat 6
Patuduhon dalanMi, I ma sidalananki,
Ngolu dohot ajalhi, sai hombar tu lomoMi.

BE-811, DI AU MA HO TUHAN

February 10, 2011 Leave a comment

BE-811
DI AU MA HO TUHAN

Ayat 1
Di au ma Ho Tuhan di ari-aringki,
Ai denggan ni basaM padame rohangki.
Di sude partingkian, di sude inganan
Di au ma Ho O Tuhan asi rohaM.

Ayat 2
Di au ma Ho Tuhan dipangunjunan I,
Monang do au Tuhan molo Ho donganki.
Di sude partingkian ………

Ayat 3
Di au ma Ho Tuhan di las ni roha I,
Apuli au Tuhan di sitaononki.

Ayat 4
Di au ma Ho Tuhan di ariaringki,
Baen ma au nampunaM, pinasupasuMi.
Di sude partingkian ………

BE-810, SAI DAME MA DI HAMUNA

February 10, 2011 Leave a comment

BE-810
SAI DAME MA DI HAMUNA

Ayat 1
Sai dame ma di hamuna, sai dame ma di hamuna,
Sai dame ma di hamuna, sai dame, dame, dame di hamu.

Ayat 2
Horas ma hita sudena, Horas ma hita sudena,
Horas ma hita sudena, horas ma, horas, horas, horas hita be.

BE-809, MOLO SAUT MA HO

February 10, 2011 Leave a comment

BE-809
MOLO SAUT MA HO

Ayat 1
Molo saut ma ho borhat tu na dao
Holan Jesus baen donganmi,
ToguonNa ho ramotanNa ho
sai tiur sude na langkami,
nang landit porhot sidalananmi
nang hansit ngotngot rohami,
ndang boi ganggu ndang boi lilu ho
molo Jesus mandongani ho.

Ayat 2
Di na loja ho nang holsoan ho,
Jesus ma tongtong donganmi.
UrupanNa ho apulanNa ho,
Sonang ho tongtong di dalanMi,
Nang dao tahe situjuonmi,
Ndang maol tolhas tusi,
Dipaima ho tomuonNa ho,
Tung sonang do dilambungNa ho.

%d bloggers like this: