Archive

Archive for the ‘21. Ende manogot dohot bodari’ Category

BE-839, ULI NI TINGKI I

February 10, 2011 1 comment

BE-839, ULI NI TINGKI I

Ayat 1
Denggan ni tingki I, I ma tingki halehetan na I
Saluhut na tung denggan di baen Ho o Tuhanki,
Na mambaen las roha ni bangsoMi.

Ayat 2
Uli ni tingki I, molo jumpang tingki ni Tuhan I,
Parrohai ma au Tuhan mangantusi dalanMi,
Asa tarpatupa au lomoMi.

Ayat 3
Sonang ni tingki I, molo jumpang ari ni Tuhanki,
Lehon tondiMi Tuhan gohi roha tondingki,
Lao mambaen na denggan tu dongan i.

Reff:

  • Syair: In His time

BE-839

BE-838, UNANG SUNGKUN BE TU AHU

February 10, 2011 Leave a comment

BE-838
UNANG SUNGKUN BE TU AHU

Ayat 1
Unang sungkun be tu ahu Boasa marsak rohami
Debata do hululuo siapuli rohangki
Nang di au pe hamoraon tua ni portibion
tung pogos pangkilalaanku molo mago tondingkon
tung pogos pangkilalaanku molo mago tondingkon.

Ayat 2
Ai huboto laho salpu ngolu pardagingan on
Holan dibanua ginjang hasonangan na tongtong
Molo salpu parhorsihan saluhut nadagol I
Dapot au ma hasonangan siapuli rohangki
Dapot au ma hasonangan sapuli rohangki.

Ayat 3
Surgo I do namanongtong na sai hulului I
Hupabulus ma langkangku hutinggalhon artangki,
Ai disi do au marrende raphon pardisurgo I
Dohot angka naporsea di banua ginjang I
Dohot angka naporsea di banua ginjang i.

BE-837, SADA HUTA NA MANSAI ULI

February 10, 2011 Leave a comment

BE-837
SADA HUTA NA MANSAI ULI

Ayat 1
Sada huta na mansai uli, Sambulo ni tondita do I,
Bagas ni Debata Ama I, Diparade di na monang I
Sogot di surgo I, sai pajumpang do hita disi sogot di surgoi, Sai pajumpang do hita disi.

Ayat 2
Hita dohot donganta di san,
rap marende mamuji Tuhan,
ndang adong hasusaan di san,
salelengna di surgo sonang,
Sogot di surgo I ………

Ayat 3
Debata Ama parholong I,
sai puji on salelengna I,
na marmuduhon ngolunta I,
denggan basaNa sai hot do I,
Sogot di surgo I ………

BE-836, NUNGA LOJA AU O TUHAN

February 10, 2011 Leave a comment

BE-836
NUNGA LOJA AU O TUHAN

Ayat 1
Nunga loja au O Tuhan di si ulubalang ari,
Naeng tumibu au pajumpang rap dohot Ho di surgo I,
Nunga bot mata ni ari, Lam jonok nang ajalhi
Nunga loja au O Tuhan rade ma baen ingananki.

Ayat 2
Nang pe naung hudai hubolus,
Hamoraon, hagabeon,
Songon ombun na maolus,
Sude do tinggal ambolong
Aha na tarboan ahu,
Lobi sian uloshi
Nunga loja au O Tuhan,
Rade ma baen ingananki.

Ayat 3
Lam rambon simalolongku,
Gok nang uban diulungku,
Reung nang holi-holingku,
Gale sude pamatangki,
Ndang be sai huparsinta,
Leleng ari-aringki,
Nunga loja au O Tuhan,
Rade ma baen ingananki.

BE-835, NUNGA LAO, NUNGA LAO

February 10, 2011 Leave a comment

BE-835
NUNGA LAO, NUNGA LAO

Ayat 1
Nunga lao, nunga lao dongan deba tu na dao,
Mandapothon Debatanta, dialapi suruanNa,
Tu banua ginjang i.(2x)

Ayat 2
Timbang be, timbang be, dohot hita lao muse,
dongan jongjong humaliang,
saluhut do martangiang,

Ayat di na lao tondinta i
(2x)

Ayat 3
Tua ni, tua ni, saluhutna na porsea,
di Jesus Kristus Tuhanta,
hangoluan salelengna

Ayat do pinaradeNa i
(2x)

Ayat 4
Ingot ma, ingot ma, hata sian Debata,
I do hangoluhononta,
Borngin pe nang arian na,

Ayat Paima ro panjouNa i
(2x)

Ayat 5
Auhon ma, auhon, na nidok ni Debata,
Taradoti ma hataNa,
Dohot lomo ni rohaNa,

Ayat Paima sahat hita be
(2x)

BE-834, NA MASIHOL DO ROHANGKU

February 10, 2011 Leave a comment

BE-834
NA MASIHOL DO ROHANGKU

Ayat 1
Na masihol do rohangku tu na sonang I
Tu inganan ni Tuhanta I, tano on ro di sude
Na pangisina I susa sai susa rohangki
Marolopolop rohangki di surgo di na sonang I,
Soada na hurang sabam sonang rohangki,
Molo dung sahat au tusi.

Ayat 2
Ai andigan idaonku haholonganki,
Raphon Jesus ale-alengki,
Haholongan na badia sian Jesus I,
Sonang sai sonang rohangki.
Marolop-olop ………

BE-833, DI NA MASIPAIDAAN

February 10, 2011 Leave a comment

BE-833
DI NA MASIPAIDAAN

Ayat 1
Di na masipaidaan sogot au di surgo I,
Tung singkop las ni rohangku mida Jesus Tuhanki.
Di na masipidaan sogot au di surgo I,
Sangap di hamuliaonNa idaonku Tuhanki.

Ayat 2
Tingki on ndang boi taida, sondang ni sangapNa I,
Alai sogot ditingkina, boi idaon sangapNa I,
Di na masipaidaan ………

Ayat 3
Sonang, dame dilambungNa, ndangadong sitaonon I,
Nunga salpu hasusaan, dosa hamatean I,
Di na masipaidaan ………

Ayat 4
Di na masipaidaan, tandaonta ma disi,
Tuhan Jesus Sipalua, Siparholong roha I,
Di na masipaidaan ………

%d bloggers like this: