Archive

Archive for the ‘02. Ende di ari Minggu’ Category

BE-037, ASI NI ROHA, BL-048

January 24, 2011 1 comment

BE-037, ASI NI ROHA, BL-048

1.
Asi ni roha ni Tuhan Jesus Kristus Holong ni roha ni Debata
Dohot parsaoran ni Tondi Mandongani Hita sasudena

Reff:

BE-036, PASU PASU HAMI, BL-004

January 24, 2011 3 comments

BE-036, PASU PASU HAMI, BL-004 (Play)

1.
Pasu pasu hami O Debata nami
Sai sondangkon bohiMi Tu na pungu on sude

2.
Lehon ma di hami Dame ganup ari
Sai pasaor ma TondiMi Tu na pungu on sude

3.
Amen hudok hami Ale Tuhannami
Na marasi roha i Sangap ma di goarMi

Reff:

BE-035, SUDE HAMI NA DISON, BL-199

January 24, 2011 Leave a comment

BE-035, SUDE HAMI NA DISON, BL-199

1.
Sude hami na dison marpungu Do padomu tangan i
Patoguhon padan di mudarMu Tanda hot di Ho sude
Jesus sai paboa ma di hami Lomo ni rohaM di endenami
Dok ma amen situtu Dame, dame di hamu

BE-034, JESUS DO HAHOLONGANTA, BL-222

January 24, 2011 Leave a comment

BE-034, JESUS DO HAHOLONGANTA, BL-222

1.
Jesus do haholonganta Ai digarari do dosanta Tobusta do mudarNa i
Daging dohot tondinami Tu Ho Jesus hulehon hami ai sonang do di tanganMi
Sai jalo hami on Hami huriaMon AnakkonMu asi rohaM
Denggan basaM Tumpakkon ma tu huriaM.

BE-033, ANTONG SAI DOK MA AMEN, BL-065

January 24, 2011 Leave a comment

BE-033, ANTONG SAI DOK MA AMEN, BL-065

1.
Antong sai dok ma amen Patorus rohanami
Tumangkup hataMi O Jesus Tuhannami
Patongtong rohanami Marhite hite TondiMi ?

BE-032, NANG LAO RUAR MASUK PE, BL-078

January 24, 2011 Leave a comment

BE-032, NANG LAO RUAR MASUK PE, BL-078

1.
Nang lao ruar masuk pe Jesus sai dongani hami
Pasupasu hami be Dohot hangoluannami
Togu hami ale Tuhan sahat tu banuaginjang.

BE-031, ARI NA MARHASONANGAN, BL-086

January 24, 2011 1 comment

BE-031, ARI NA MARHASONANGAN, BL-086

1.
Ari na marhasonangan I ma ari Minggu i
Ari i paradianan Ni na marulaon i
Sai martua halak i Na ringgas marminggu i.

2.
Songon dia paheanku Mandapothon Debata ?
Unduk serep ni rohangku I do abit na tama
Dung adong na songon i Tau ma au di Tuhanki

3.
Ale Tuhan sai pangolu Jala sai ajari au
Molo ganggu sai patogu Marsak pe apuli au.
Tung patorang hataMi Sai tongong tu rohangki.

4.
Pasupasu pangajaran Na nidok ni hataMi
Sai patogu parpadanan Ni na manangihon i
Sai urupi ma na ro Martangiang dompak Ho.

BE-030, JESUS LEHON HATORANGAN, BL-135

January 24, 2011 2 comments

BE-030, JESUS LEHON HATORANGAN, BL-135

1.
Jesus lehon hatorangan Hapistaran Mangantusi hataMi
Lehon mata na marnida Dohot roha na umboto dalanMi
Asa tongtong maradophon BohiMi mardalan hami
Asa digomgomi TondiMi ma hami.

2.
Ganup ari ma ajari Hami na di haotoon i dope
Asa lam porsea hami Ho sambing do hangoluannami i
Lam lumeleng lam pasolhot Tu rohaM ma rohanami
Hombar tu HataM ma pangalahonami

3.
Sai martua ma nasida Na mambahen Jesus haposanNa i
Aut tung sura olo hita Jesus i baen parsigantunganta i
Ale Jesus sai patogu Hami na di parporangan
Asa dapot di ujungna hamonangan

4.
Sai tangihon ale Tuhan Molo martangiang hami be tu Ho
Pasupasu marlobian LehononMu tu na ro manopot Ho
Sai dongani nama hami Asa hot di parpadanan
Mian hami sahat ro tu hasonangan.

BE-029, IMA TINGKI HASONANGAN, BL-186

January 24, 2011 Leave a comment

BE-029, IMA TINGKI HASONANGAN, BL-186

1.
I ma tingki hasonangan Molo Ho o Jesuski
Pinahusor di pingkiran Ro di asiasiMi
Molo Jesus ni luluan Holan Jesus sinangkapan
Tingki na lehet ma i Na pasonang roha i.

2.
Sai buas naeng lehononMu Jesus asi ni rohaM
Sai girgir do topotonMu Na uasan di hataM
Gok do mual hangoluan Di bagasan Ho, o Tuhan
Jala sai dapotan do Sasude na ro tu Ho.

3.
Ala nii o Tuhannami Topot ma huriaMon
Pasupasu dohot hami Gohi rohanami on
Mauas songon si Maria Di hataM na sun badia
Baen ma hami sasude Asa tung maruli be

BE-028, HATA NI JAHOWA, BL-203

January 24, 2011 1 comment

BE-028, HATA NI JAHOWA, BL-203

1.
Hata ni Jahowa Sipadame jolma Hangoluan i
Halalas ni roha Siapuli roha Ni na marsak i
Gogo ni Debatangki Paluahon na porsea Sian nasa jea.

2.
Nasa tinahina Tagan so ditompa Tano on dope
Nang na tinuduan Ni sude pelean Jumpang do muse
Sangkap ni Amana i Dipatulus Jesus kristus Jolma i ditobus.

3.
Na rade di hita asi ni rohaNa Nang basaNa pe
Nunga mate Kristus Nunga sun ditobus Hita on sude
Sangap ma di Debata Na porsea di hataNa Do pangoluonNa

4.
Hata hangoluan Do nuaeng diboan Parjamita i
Na lambok begeon i nuaeng dilehon Tu rohanta i
Hita on dijamita i Ai didokkon be do hita Paubahon roha

5.
I do haojahan Na tongtong manahan Salelengna i
I hajongjonganku I do haposanku Hangoluanki
Gogongki tongtong ma i Mangihuthon tu hataNa Lao mambaen lomoNa.

6.
Jesus sai tangihon Na hupangidohon Sai asi rohaM
Lehon sipargogo Asa lao tu surgo Au tu banuaM
Unang so tu Ho au ro I pe molo tos hosangku Tiur baen dalanku.

%d bloggers like this: