Archive

Archive for the ‘33. Marparange di ngolu na imbaru’ Category

BE-488, NANG NA BUNI DI ROHA, BL-330

February 4, 2011 Leave a comment

BE-488, NANG NA BUNI DI ROHA, BL-330

Ayat 1
Nang na buni di roha, na so tarida I
Sude diburi Tuhanku ala mudarNa i.

Ayat 2
Bagas na hamagoan manggohi rohangki.
Malum hape dibaen Jesus, Tuhan na basa i.

Ayat 3
Mago do au di dosa ala si Adam i,
Kristus do ro pamalumhon, sahit ni rohangki

Ayat 4
Tuk na binaen ni Jesus lao paluahon au.
Gomos hugolom mudarNa paima tu surgo au.

Ayat 5
Raphon Tuhanku mate jolma na buruk i.
Mate disi hurajumi nang nasa diringki.

Ayat 6
Raphon Tuhanku hehe ahu na mate i,
Jala sai naeng marparange songon naung hehe i.

Ayat 7
Asi ni roha bolon do patupahon i,
Mudar ni jesus Tuhanta dohot tondiNa i.

Ayat 8
Tung na malua ahu sian sibolis i,
Unang mangadop di dosa au na tinobus i.

Ayat 9
Bagas pe hamagoan, andul umbagas do
Asi ni roha ni Jesus, Tuhanta I, naung ro.

BE-487, TUNG HALAK NA MARGOGO, BL-329

February 4, 2011 1 comment

BE-487, TUNG HALAK NA MARGOGO, BL-329

Ayat 1
Tung halak na margogo si partangiang i.
Dokdok pe si taonnon, ndang olo talu i.
Pos situtu roha na di Debata na i.
Tuhan na manaluhon sude pangalo i.

Ayat 2
Nang hirahira mogap dibaen sitaonon i,
Marsinggang do Ibana managam Tuhan i.
Dung jumpang pe tingkina sumurut arsak i,
Tarapul ma rohana dibaen Tuhanna i.

Ayat 3
Imbaru pangkirimon nag hagogoon i.
Margogo, marsahala do partangiang i.
Togu muse langkana lao marjamita i.
Ai Kristus do donganna di ulaonna i.

BE-486, JESUS RO MA HO TU AU, BL-326

February 4, 2011 Leave a comment

BE-486, JESUS RO MA HO TU AU, BL-326

Ayat 1
Jesus, ro ma Ho tu au. Unang be Ho tinggal dao,
Masuk ma tu rohangki, tongtong maingani i.

Ayat 2
Sai malungun au di Ho dohot di asiMu do,
Sai tongtong mangido au, Jesus, ro ma Ho tu au.

Ayat 3
Ndang adong ditano on na pasonang rohangkon.
Dung marTuhan Jesus au. Sonang situtu ma au.

Ayat 4
Ndang be ra marpadan au dohot halak na dung dao
Sian Tuhan Jesus i, unang mago disi.

Ayat 5
Las ni roha, dame pe, hatuaon sasude,
Dohot hangoluan i, i ma Tuhan Jesus i.

BE-485, DONGANI AU TUHAN, BL-243

February 4, 2011 2 comments

BE-485, DONGANI AU TUHAN, BL-243

Ayat 1
Dongani au Tuhan sondangi rohangki,
Pangiring ni mataM patongon langkangki.
Sandok sude gogongku padohot pingkiranku,
Huboan peleanku mangalu ulaonMu.
Ai hinalomohonMi, urupi rohangki.

Ayat 2
Ho sipalua au, buri ma au tangkas,
MudarMu ma use mambahen au ias.
Sai togu au na lilu tu asi ni rohaMu,
Malua ma rohangku, sinesa nang dosangku,
Gok dosa do hian au on, sai buri rohangkon.

Ayat 3
Ho siapuli au, sai pargogoi ma au.
Tarunjun au tongtong dibaen partibi on.
Ajari au maniru Tuhanku Sipangolu,
Ringkot naeng botoonku pasauthon pingkiranMu,
Ho do na mangapuli au,sai pargogoi ma au

Ayat 4
Sitolusada Ho, sulingkit rohangki,
Lopokhon rohaMi bagas tu rohangki.
Padiri ma tondingku baen joro ingananMu,
Patolhas ma basaMu tu au niasianMu,
Martua au dibahen Ho Sitolusada Ho.

BE-484, O TUHAN AU MA DONGANMI, BL-328

February 4, 2011 Leave a comment

BE-484, O TUHAN AU MA DONGANMI, BL-328

Ayat 1
O Tuhan, au ma donganmi, rap hita sauduran i.
Masitungkaran hatama, au dohot Ho, o Debata.

Ayat 2
Sai naeng arahononku do sude, na lilu, asa ro.
Tu Ho, o Jesus Tuhanki, asa martua dohot i.

Ayat 3
Lam benget ma rohangkinon manganju angka dongankon.
Lam sesaonku dosa nii, ai au do niasianMi.

Ayat 4
Paboanku holongMi tu sasude na holom i,
Sai lam tiur ma roha nii dibaen asi ni rohaMi.

Ayat 5
Mardalan au rap dohot Ho, so marnaloja, ndang dung so.
Mangului na mago i apala i ulaonMi.

Ayat 6
Paima sae ulaon i, sude mananda asiMi,
Rap hita lao tu jabuMi saleleng ni lelengna i.

BE-483, TUHANTA I DO TUAT, BL-327

February 4, 2011 Leave a comment

BE-483, TUHANTA I DO TUAT, BL-327

Ayat 1
Tuhanta i do tuat tu hajolmaon i.
Tumopot pardangolan, pinuji na ma i.

Ayat 2
Dirina dirumari, hira hatoban do.
Mangaithon hapogoson Tuhanta i na ro.

Ayat 3
Sude na mangihuthon Jesus Tuhanta i,
Ndang boi, ia so tuat tu hametmeto i.

Ayat 4
Na raphon Jesus mate, rap hehe do muse,
I dalan ni sisean, ndang boi asing hape.

Ayat 5
Na olo au manuhuk silangMu, Tuhanki,
Sude hutadingkon, baen au siseanMi.

BE-482, ASA ON MA NA TUTU, BL-326

February 4, 2011 Leave a comment

BE-482, ASA ON MA NA TUTU, BL-326

Ayat 1
Asa on ma na tutu, Jesus i do na burju.
Mago pe portibion, tu Ibana rohangkon.

Ayat 2
Jesus do ummaol di au, ai arga ditobus au,
Nang musuNa au nian, jala mago au hian.

Ayat 3
Holan Ho, ale Tuhan, na tau pos ni rohangkon,
Ndang na mag, ambolong, na marningot Ho tongtong.

Ayat 4
Antong songon dia pe, asal au tu Ho muse:
Buat sian rohangki na hinasogohonMi.

Ayat 5
Amen, on ma na sintong : Dihalashon rohangkon,
Jesus pangondianki, Jesus hangoluanki.

BE-481, GODANG DOPE SIGURUHONONMI, BL-325

February 4, 2011 Leave a comment

BE-481, GODANG DOPE SIGURUHONONMI, BL-325

Ayat 1
Godang dope siguruhononmi, Asa tu dos ho dohot Tuhanmi
Sai tong na hurang hatigoranmi. So tuk do pe haporseaonmi.
Dirim sambing dihaholongi ho. Donganmu laos dihalupahon.

Ayat 2
Tuhanta Jesus tiruanmu do. Na holong roha di au nang di ho ;
Ai diseahon do diriNa i, Singkatta lao tu hamatean i,
Ndang na dialang holong roha i, Ai naeng dihita hangoluan i.

Ayat 3
Tatiru holong ni rohaNa i, pinatuduhaon ni Tuhanta i,
Tahaholongi ma donganta i, ai ruas ni Tuhanta do nang i !
Mardame ma, marsijalangan ma; Tatuju ma solhot tu debata !

BE-480, SONGON SADA BATANG AEK, BL-409

February 4, 2011 Leave a comment

BE-480, SONGON SADA BATANG AEK, BL-409

Ayat 1
Songon sada batang aek do dameMi. Na tongtong ma baor do tu rohangki.
Lam bagas, lam gogo ariari i Nang borngin ndang olo marna montok i.
Dame ni Tuhanku hasonangan, ki, Nasa holso holso do diauphon i.

Ayat 2
Molo hasonanganMi manggohi au, Ingkon sorimago dohot bego lao.
Ndang be na tahutan, ndang tarsonggot au, Molo dameMi mangkaliangi au.
Dame ni…

Ayat 3
Sude mubauba au do ditano i. Sondang ni dameNa do so sundut i.
Sonang maradian disi rohangki, Tongtong pujionku habsaronMi.
Dame ni…

BE-479, JONOK LAM JONOK, BL-324

February 4, 2011 Leave a comment

BE-479, JONOK LAM JONOK, BL-324

Ayat 1
Jonok, lam jonok, togu au on; las manang arsak dalanmu tongon,
Asal di tanganMi au tongtong. Pangondianku, pangolu au on,
Pangondianku pangolu au on.

Ayat 2
Jonok tu Ho au taiti gogo; dao dope ahu, pasolhot tu Ho:
Susa do ahu dibaen dosangki, :,: Buri, o Jesus, ias rohangki :,:

Ayat 3
Jonok lam jonok, tostos sude, nasa na boi mangambat dope.
Hinasogohon ni rohaMi. :,: Lao Sian ahu, asi rohaMi :,:

Ayat 4
Lam tu ripasna tudos tu Ho, togu rohangku lam sahat tu Ho.
Ho disorminhon parulanki. :,: Sasada Ho ma hasiholanki :,:

%d bloggers like this: