Archive

Archive for the ‘34. Disarihon do ho!’ Category

BE-499, ALE DONGAN SAI TANGIHON, BL-340

February 4, 2011 Leave a comment

BE-499, ALE DONGAN SAI TANGIHON, BL-340

Ayat 1
Ale dongan, sai tangihon Hata apulapul on.
Sian Debata Amanta na sun gogo i tongtong
Unang ma hamu mabiar , Hudongani pe hamu.
Alanii sai lam pahinsa roha dohot tondimu.

Ayat 2
Lao taripar laut hamuna, nang aek na magodang i,
Na so tupa do auponna, nag aek magodang i,
Unang ma…..

Ayat 3
Tung mardalan pe hamuna di bagasan api i,
Tung na so tarmosokkonsa, nanggo sada obukmi.
Unang ma…..

Ayat 4
Antong rap marende hita lao mamuji Tuhan i ;
Tapaserep ma rohanta, lao manggolom hata i.
Unang ma…..

BE-498, BUNI PE DALAN I, BL-339

February 4, 2011 Leave a comment

BE-498, BUNI PE DALAN I, BL-339

Ayat 1
Buni pe dalan i, diboto Ho, Pangkilala antung sonang do;
Ai mago poluhut na holsongki manogot nang ro dibotari i.

Ayat 2
Dibuhul dalanki nang ajalhi; naung sian nahinan rade do i.
Hupiji Ho, binaen ni holongMi, Nang asi ni roham na godang i.

Ayat 3
Gunsang pe laut, pur pe alogo i, Hatam sandok, sip be sudena i,
Hohom do au, tutu do hatami. Porsea au disi, na sae do i.

BE-497, DI NA HUMOLSO ROHANGKI, BL-338

February 4, 2011 Leave a comment

BE-497, DI NA HUMOLSO ROHANGKI, BL-338

Ayat 1
Di an humolso rohangki pasari hangoluanki,
Tibu bologkononku pe, holsongku sasude
Ai i didokkon Jesus I Tuhanta na di surgo i,
Sumarihon ngolumi, denggan sudena i.

Ayat 2
Dina huingot hata ni Tuhanta, na nidokNa i :
Sai sonang ma hamu sude. Unang mabiar be;
Disi endehononku ma : Martua na porsea da !
Sai naeng hujamitahon I tu na humolso i.

Ayat 3
Ai gari angka pidong i, sai diparmudu Tuhan i;
Marabit bungabunga i, na denggan, na uli.
Ai disarihon Debata nasida na satongkin da!
Lam hita na porsea I, tagamon tading I ?

Ayat 4
Marlas ni roha do au on. Ai Jesus donganki tontong,
Sai ro do sinondangna i Tongon tu rohangki.
I pe huingot ma tongtong, Ndang boi holsoan rohangkon,
Ai Damang na di surgo i pasingkop bohalhi.

BE-496, SION PARADIANANTA, BL-337

February 4, 2011 Leave a comment

BE-496, SION PARADIANANTA, BL-337

Ayat 1
Sion Paradiananta, dao ma holso-holso-mu
Ai didok Tuhanta Jesus dame, dame dihamu.

Ayat 2
Tung pasonang pingkiranmu. Ai donok Rajanta i ;
Holan managamnagam boi ditopot Jesus i.

Ayat 3
Salpu ma naung binolusan, pir tondim di na naeng ro
Sangkapmi nang pangidoan, Sahat tu Jesusmu do.

BE-495, MARINGAN DO DI SURGO I, BL-036

February 4, 2011 Leave a comment

BE-495, MARINGAN DO DI SURGO I, BL-036

Ayat 1
Maringan do di surgo i, Amanta na sun gogo i,
Sai dirana pisian i, sudena langka langkangki.

Ayat 2
Amporik na dihauma i, Ibana siparmudu i.
:,: Nang bunga pansur na uli, Ibana sibaen ulos nii :,:

Ayat 3
Nang obuk na di ulungki, laos dibilangi dohot i.
:,: Nang pe au lao tu na buni, tong do diboto rohangki :,:

Ayat 4
Tarsurat dibukuNa I goarhu dimulana i,
:,: Ai na ringkot do roha nii, naeng dohot au tu surgo i :,:

Ayat 5
Urupi au, o Tuhanki, marhaseangkon tingkingki,
:,: Sai lam pita baen tondingki, songon surusuruanMi.

BE-494, HOLOM BORNGINNA I, BL-336

February 4, 2011 Leave a comment

BE-494, HOLOM BORNGINNA I, BL-336

Ayat 1
Holom bornginna, i Gok arsak tano i.
Ida ma Tuhanmu ro sonang ma, sonang ma ho.

Ayat 2
Unang gondok roham, pahinsa ma langkam !
Tagam, tibu nama ro Jesus sipangolu ho.

Ayat 3
Saluhut holsomi dipadao Jesus i, Jesus, sipasabam ho
Jangkon ma Jesus, naung ro.

Ayat 4
Nunga sonang au on, las dibaen rohangkon,
Ho pe, boi do sonang ho, pos roham, porsea ho !

BE-493, NAENG MODOM DO SUDENA, BL-335

February 4, 2011 Leave a comment

BE-493, NAENG MODOM DO SUDENA, BL-335

Ayat 1
Naeng modom do sudena, naung sae ulaon i.
Na maradian hita dijaga Ama i. Na maradian hita di jaga Ama i.

Ayat 2
Mardalan angka bintang di langit i na dao,
Tuhanta i manjaga, sude na ro, na lao.

Ayat 3
Nang au pe disarihon Tuhan na basa i.
Sai sonang maradian diampuanNa i.

BE-492, NA MORA TUTU, BL-334

February 4, 2011 Leave a comment

BE-492, NA MORA TUTU, BL-334

Ayat 1
Na mora tutu, sangap damang i, Ibana nampuna sude arta i,
Nang sere, nang perak, nang hepeng sude.
Tapuji Ibana, unduk hita be.
AnakkonNa do au, anakkonNa do au, dibaen Tuhan Jesus, anakkonNa do au.

Ayat 2
Na ro Jesus i, AnakNa do i lao mate, lao hehe,
Manaek sian i. Rade ingananku dibaen Jesuski.
Di surgo hutangku, disi damang i, :,: AnakkonNa :,:

Ayat 3
Nang mate pe au, nang tos hosangki,
Ndang olo mabiar disi rohangki,
Jangkonon ni damang am ahu disi,
Di lambung ni damang sonang rohangki, :,: AnakkonNa:,:

BE-491, O JESUS TUHANNAMI I, BL-333

February 4, 2011 Leave a comment

BE-491, O JESUS TUHANNAMI I, BL-333

Ayat 1
O Jesus Tuhannami i, sondangi rohangki,
Lao salpu do na bernit i, Dung bongot sondangmi.
Na roa nang bernit pe, na lao do sasude,
Tiur tongtong do langkangki, Dung bongot Ho tu si:
Ale Tuhan, sai tatap ma, Asi roham, sondangi ma;
Sai pujionku basaMi, Nasumarihon ngolungki.

Ayat 2
Di hau na pinarsilang i do mate Jesuski.
Di disi ditobus tondingki, disesa dosangki.
Naung talu do sibolis i, ndang boi manggogo be;
Dibahen I las rohangki, mamuji Jesus i. Ale Tuhan…

Ayat 3
Ho mata ni aringku i, saleleng au dison;
Ho Jesus sipujionki, di nasa ngolungkon.
Dung sahat au tu surgo i, tu hasonangan i,
Na so mansohot endengki, mamuji Ho disi. Ale Tuhan…

BE-490, NANG GUNSANG PE GALUMBANG, BL-332

February 4, 2011 Leave a comment

BE-490, NANG GUNSANG PE GALUMBANG, BL-332

Ayat 1
Nang gunsang pe galumbang mannggaori so lumi,
Diida sian ginjang Tuhanmu Jesus i,
Na masa siho i.

Ayat 2
Mandate ho sipata dibaen na porsuk i,
Jamot tongtong Tuhanta di hot ni rohami.
Haporsea ma i.

Ayat 3
Haposi ma Ibana, sun hinagogo i,
Na tuk palashon roha ni anakkonNa i.
HaholonganNa i.

Ayat 4
Ditolong do na pogos i, na marsak roha i.
Tung unang be ho bobos di pambahenNa i,
Denggan ujungna i.

%d bloggers like this: