Archive

Archive for the ‘36. Na di ginjang i ma lului!’ Category

BE-535, HAMATEAN PARHITEAN, BL-183

February 5, 2011 Leave a comment

BE-535, HAMATEAN PARHITEAN, BL-183

Ayat 1
Hamatean parhitean Lao manopot Jesuski?
Dohot au ingkon ma molus. Asa sahat au tu si.
Nang pe pina dao dao dompak hamatean i,
Lam jonok do ha pe ngani, langkangki tu ajalhi.

Ayat 2
Ala ni sai golomonku sitaluhon musungki,
I ma Jesus Sipalua, naung mamolus songon i.
Nang pe sai mangogaoga bolis sipangago i,
Ndang adong be huasona, ala Jesus donganki.

Ayat 3
Molo i hugolomgolom, sabam, sonang, rohangki,
Nang marningot angka dongan, naung jumolo lao tusi,
Ai dengga tohapnasida dibanuaginjang i,
Na marende do nasida, raphon pardisurgo i.

BE-534, DI GINJANG DI SURGO, BL-368

February 5, 2011 Leave a comment

BE-534, DI GINJANG DI SURGO, BL-368

Ayat 1
Di ginjang di surgo disido rade
sinangkap ni rohani jolma sude,
Sinangkapni rohani jolma sude.

Ayat 2
Rade dibaen Jesus jambarta disi.
:,: Paima ro hita maringan tusi :,:

Ayat 3
Sude manisia, na masuk,
:,: Marsomba tu Jesus, partogi tusi :,:

Ayat 4
Disi ma marsomba, marende sude
:,: Tu Tuhan Jahowa, sigomgom sude :,:

BE-533, HUTANDA SADA HUTA I, BL-367

February 5, 2011 Leave a comment

BE-533, HUTANDA SADA HUTA I, BL-367

Ayat 1
Hutanda sada huta i, na dao, sian hita.
Tung sere do alaman na i, mansohot nasa arsak i,
Tusi do au masihol, masihol.

Ayat 2
Ai ganup na masihol i, ndang sonang be di toru,
Sai lao rohana tu ginjang i, tu sondang sian surgo i.
Martua naung jumpangan, jumpangan.

Ayat 3
Marolop tondi nii, tung malum dihilala.
Antong, sai beta tu surgo i, maporus sian orbuk i,
Tu huta ni Debata, sai beta!

BE-532, MOLO MARSINONDANG BINTANG, BL-366

February 5, 2011 Leave a comment

BE-532, MOLO MARSINONDANG BINTANG, BL-366

Ayat 1
Molo marsinondang bintang angka na dilangit i,
Sai malungun do rohangku, naeng hatop tu surgo i,
Aut habong habong ahu naeng tu Damang i au lao,
Tu hutangku na diginjang, tu na dao, mansai dao.

Ayat 2
Tong dagingku mangingani rura hasusaan on,
Tondingki do maradian, tung na sonang rohangkon.
Dibaen I hahulungunhon huta na di ginjang i,
Teanonku hasonangan na so dung niida i.

Ayat 3
O hamu sude na marsak na di atas tano on,
Nang na pogos, na hansitan, tatap ma sambulomon.
Boi malua ho, na loja, dohot sian dagingmon.
Asal Jesus ma jambarmu disadui nang dison.

BE-531, SAI ULUHON AU, O TUHAN, BL-365

February 5, 2011 Leave a comment

BE-531, SAI ULUHON AU, O TUHAN, BL-365

Ayat 1

Sai uluhon au, o Tuhan, sahat ro tu hangoluan Tung sihol au, autsugari boi tu surgo au saonari. Sian na adong diportibion, asa tinggal ditanganmu, Dihaposan ni rohangku na manggolom au, na manggolom au.

Ayat 2

BugangMi, ale Tuhanku, holan i haporusanku, Naeng tusi do mangalintun Sian tano on tondingku. Sonang rohangki, molo au disi. Ndang adong dison hutangku.

Ayat 3

Dung di surgo au mardomu dohot na disi mangolu, Na mamintor berengonku Jesus Kristus i, Tuhanku. Di adopan ni habangsaNa i, huendehon Haleluya Dohot angka na martua salelengna i.

Ayat 4 O, Jerusalem na tongam, so mardosa di bagasan. Singkat bulan dohot bintang, Debata do marsinondang, Jadi tiur be na disi sude, jala na marhasonangan, Ndang mansohot hamonangan, beta ma tusi.

BE-530, TU SAMBULO NI TONDINGKU, BL-364

February 5, 2011 Leave a comment

BE-530, TU SAMBULO NI TONDINGKU, BL-364

Ayat 1
Tu sambulo ni tondingku do malungun au tongtong.
Ai disi do dapotonku Hasonangan i tongon.
Tu sambulo ni tondingku do malungun au tongtong.
Au na sorat jala loja saleleng ditano on.

Ayat 2
Di sambulo ni tondingku, idaonku Jesus i,
Tong di lambung ni Tuhanku sonang, sabam rohangki.
Di sambulo ni tondingku dapot au do Tuhanki,
Tuhan Jesus, Tuhan Jesus, Sipalua tondingki.

Ayat 3
Tu sambulo ni tondingku tole hita borhat be,
Mandapothon Debatanta dohot dongan sasude.
Tu sambulo ni tondingku, tolehita borhat be,
Unang tinggal nanggo sada. Naeng ma sahat sasude.

BE-529, ANGKA NAUNG MONDING, BL-363

February 5, 2011 Leave a comment

BE-529, ANGKA NAUNG MONDING, BL-363

Ayat 1
Angka naung monding ditano on, angka naung sahat tu ginjang an.
Sai dipaima nang dohot ho, Asa tu ginjang dohot ho ro.
Angka naung sahat managam ho, Tuhatuaon dohot ho ro.
Angka diginjang lului ma i, bereng Tuhanmu. Golom ma i.

Ayat 2
Jumolo lao do anakkonMi, asa tu ginjang lao rohami,
Unang tarlalap di arsakmi. Oloi Tuhanmu na manjou i.
Angka….

Ayat 3
Nang hahaanggi naung sahat i, managam ho do, na lilu i.
Nang ripemu nang ibotomi, sude managam haroromi.
Angka…..

BE-528, TU DIA HO DUNG MATE HO, BL-362

February 5, 2011 Leave a comment

BE-528, TU DIA HO DUNG MATE HO, BL-362

Ayat 1
Tudia ho, dung mate ho, alusi ma, alusi ma!
Jempek tingkim, ujung na ro Tu dia ho dung mate ho,
Dung mate ho, dung mate ho, sai pingkir ma, tudia ho?

Ayat 2
Ise mamilit Jesus i, sai olo ho, sai olo ho.
Jesus manungkun dohot ho : Tu dia ho, dung mate ho?
Dung mate ho …..

Ayat 3
Lilu do ho di dosami, mago do ho, mago do ho.
Unang be togang, mulak, ro! Tu dia ho, dung mate ho?
Dung mate ho …..

Ayat 4
Jangkon ma Jesus, Rajami, Sihophop ho, sihophop ho,
Ias dibaen mudarNa ho, dung I rade tu surgo ho.
Rade ma ho, rade ma ho. Tu surgo sai rade ma ho.

BE-527, SALUHUT DO HUTADINGKON, BL-396

February 5, 2011 Leave a comment

BE-527, SALUHUT DO HUTADINGKON, BL-396

Ayat 1
Saluhut do hutadingkon ala Jesus Tuhanki.
Tung bolong na sian toru, ai hubereng Kristus i.
Ditadingkon dongan ahu, ala raphon Jesus au.
Ale ale na sumurung i do na manjangkon au.
Lam jonok do ajalhu, lam , lam bot ne aringki.
Tung na sonang do rohangku mandapothon surgo i.

Ayat 2
Begeonku soarana di na laho mate au,
Mangunsade tu Ibana sirang sian tano au.
DohononNa : Pos rohamu, tongtong Aho donganmi.
RamotanKu do langkamu di na lao tu surgo i.
Lam jonok…….

Ayat 3
Ai di surgo idaonku di aek hangoluan I,
Dohot huta na badia, sonang masuk au tusi.
SuruanNa do, managam au na dangol, na dison.
Malum au dibaen Tuhanku, molo sirang sian on.
Lam jonok…….

BE-526, TONGAM NI HUTA I, BL-411

February 5, 2011 Leave a comment

BE-526, TONGAM NI HUTA I, BL-411

Ayat 1
Tongam ni huta i, na pinaojak i di surgo i!
Mutiha do harbangan. Uli na i!

Ayat 2
Dirarang ro tusi parroha diri o, pargabus pe,
Parholong di na ramun, ditulak be.

Ayat 3
Ho sipangolu au, naung ro mangkophop au di Golgata
Pamasuk au tu huta ni Debata.

Ayat 4
Sai jangkon ma au on, gale dakdanakMon, gogo do Ho.
Ramoti sian dosa au on, naung ro.

Ayat 5
Gogo do tanganmi manogu boruMi tu surgo lao.
Ias, pita, pabongot tu surgo au.

%d bloggers like this: