Archive

Posts Tagged ‘BL-006’

BL-006, PAIAN MA DI HAMI

May 2, 2011 5 comments

BL-006, PAIAN MA DI HAMI

BL-006

 

Reff:

Advertisements

BE-331, SAI KRISTUS DO NGOLUNGKU, BL-006

February 1, 2011 Leave a comment

BE-331, SAI KRISTUS DO NGOLUNGKU, BL-006 (Play)

1.
Sai Kristus do ngolungku Lao mate untung do
Tusi do lao rohangku Tusi masihol do.

2.
Las situtu rohangku Manopot Jesuski
Di lambung ni Tuhanku Sai mian tondingki.

3.
Naung saut do ditaluhon Sude na jorbut i
MudarNa padomuhon Au dohot Ama i.

4.
Di na homur matangku Sai ponjot hosangki
Ndang puas be hatangku Sai ro ma Ho disi.

5.
Dung mampar pingkiranku Sobokkon lampu i
Na sai humillohillo Na so marmiak be.

6.
Disi ale Tuhanku Padomu anakMon
Huhut tu ingananMu Togihon tondingkon.

7.
Sai loas ma au lohot Di Ho, o Jesuski
Paian ma au sogot Tongtong di surgoMi

8.
Disi ma pujionku Ho dohot Ama i
Nang Tondi Parbadia Di hasonangan i.

BE-252, O JESUS SAI DONGANI, BL-006

January 30, 2011 1 comment

BE-252, O JESUS SAI DONGANI, BL-006 (Play)

1.
O Jesus sai dongani Ma hami sasude
Pasada rohanami Asa bulus sude.

2.
Ndang hadalanan hami Salangka na ture
Dung Ho pe dongannami Tiur ma sasude

3.
Sai Ho ma dongannami Dung i maporus do
Sudena musunami Tunduk dibahen Ho

4.
Laos songon dongannami Dongani hami on
Di na tarsosak hami Di hasiangan on.

5.
Sai tong dongani hami Naung gabe naposoM
Dongani dongannami Na di portibi on.

6.
Dung suda bohalnami Asi ma rohaMi
Pamasuk tondinami tu hasonangan i.

7.
Sai pos do rohanami Marningot hataMi
Ho pangondiannami Di paruhuman i.

BE-146, O JESUS NAENG TARDIDI, BL-006

January 27, 2011 Leave a comment

BE-146, O JESUS NAENG TARDIDI, BL-006 (Play)

1.
O Jesus naeng tardidi Do posoposo on
Sai ro ma mangaligi Huhut manjalo on.

2.
Diboan natorasna Nasida be tuson
Ai naeng pasahatonna Tu Ho dakdanak on.

3.
Ai dibagasan dosa Do tubu on sude
Isara ni ompuna Nang natorasna pe.

4.
Alai o Tuhan Jesus Silehon tua i
MudarMu do naung durus Manesa dosa i.

5.
I ma umbaen binoan Dakdanak on tuson
Mangido haluaon Di pandidi on

6.
Asi rohaM o Tuhan Di angka on sude
Tu buku hangoluan Surathon ma sude.

BE-118, PAIAN MA DI HAMI, BL-006

January 27, 2011 1 comment

BE-118, PAIAN MA DI HAMI, BL-006 (Play)

1.
Paian ma di hami O Jesus asiMi
Asa tung unang hami Diansi musu i.

2.
Paian Tuhannami HataM di hami be
Asa martua hami Nuaeng nang sogot pe

3.
Paian sinondangMu Ale panondang i
Ambati ma na lilu Di parjalangan i

4.
Paian ma di hami Tongtong panumpakMi
Gandahon ma di hami Asi ni rohaMi

5.
Paian panjagaMu Di hami naposoM
Sai unang hami talu Bahenon ni alom.

6.
Paian ale Tuhan Di hami burjuMi
Sai lehon hatongtongon Padao ma jea i

Reff:

BE-020, O JESUS TUHANNAMI, BL-006

January 24, 2011 Leave a comment

BE-020, O JESUS TUHANNAMI, BL-006 (Play)

1.
O Jesus Tuhannami Sai tatap hami on
Asi rohaM di hami Palua hami on

2.
Naeng ihuthononnami Na pinatikkonMi
Naeng pasidingonnami Sogo ni rohaMi

3.
Naeng lam botoonnami Taringot tu sude
Tinaon ni Tuhannami Uju targantung i.

4.
Luhutna dosanami Diporsan Ho disi
Unang saut mate hami Dibahen dosa i.

5.
On pe o Tuhannami Tumpahi hataMi
Masuk tu rohanami Paian ma disi

%d bloggers like this: