Archive

Posts Tagged ‘BL-147’

BE-181, NDANG NA TARPABOA, BL-147

January 29, 2011 Leave a comment

BE-181, NDANG NA TARPABOA, BL-147

1.
Ndang na tarpaboa Asi roha ni Debata Jahowa Mida jolma i
So tartimbang iba Dosa i sude Na binahenniba Ganup ari pe.

2.
Sai husomba hami Ho, ale Tuhan Sesa dosanami Sai asi rohaM
Mombun baen rimasMu Mida hami on Huihuthon hami Ho tu jolo on.

3.
Sai dongani hami Na mardagangi Roha nang pamatang Sai ramoti i
Ho do Amanami Na sumurung i Pangalualuan Salelengna i.

Advertisements

BE-177, NDADA TARHATAON, BL-147

January 29, 2011 Leave a comment

BE-177, NDADA TARHATAON, BL-147

1.
Ndada tarhatahon hahoholong ni
Roha ni Tuhanta di pardosa i.
Marsak do rohaNa Mida jolma i,
Na so olo unduk di hataNa i.

2.
Naeng pangoluonNa jolma sasude
Naeng pasonangonNa nang parjahat pe
Asal ditangihon saluhutna i
Hata hangoluan binoanNa i.

3.
Jesus do manaoni dosa ni sude
Nunga digarari do utangta be
Nunga pola mate Tuhan Jesus i
Paluahon hita sian dosa i.

4.
O hamu pardosa sai tandai ma i
Lehon di Ibana rohamuna be
I do pangidoan ni Tuhanta i
Asa sai tong sonang bahenonNa i.

%d bloggers like this: